فیدان، یرلی قایا و قالین اؤزبگیستان دا بوُلار
تۆرک ماقاملار اؤزبک ماقاملار بیلن اۆچ تاراپلی ماصلاحات گچیرر
تۆرکیأنینگ داشاری ایشلر وزیری هاکان فیدان، ایچری ایشلر وزیری علی یرلی قایا و میللی حابار آلما تشکیلاتی نینگ (میت) باشلیغی ابراهیم قالین ارتیر اؤزبگیستان دا ساپاردا بوُلار.
فیدان، یرلی قایا و قالین اؤزبگیستان دا اۆچ تاراپلی ماصلاحاتا قاتناشار.
دوشوشیقلاردا اؤزآرا سیاسی و ایقدیصادی قاتناشیقلار و حوُوپسوزلیق پوداغینداقی حیذماتداشلیق بیلن باغلانشیقلی گنگه شیلر.
فیدان بو ساپاریندا اؤزبگیستان ینگ داشاری ایشلر وزیری بختیار سعیدوف بیلن دوشوشار.
بو دوشوشیقدا، ژوئن آییندا تۆرکیه ده گچیریلن تۆرکیه- اؤزبگیستان یوُقاری درجه لی استراتژیک حیذماتداشلیق گنگه شی نینگ اۆچۆنجی ییغناغیندا آلینان قارارلار بیلن باغلانشیقلی آلیپ باریلان ایشلره قارالار.
تۆرک دؤولتلری قوراماسی باشدا بوُلماق بیلن بؤلگه آرا و حالقارا مسئله لر حاقیندا دا گنگه شیلر.
هاکان فیدان ینگ اؤزبگیستان ینگ جمهورباشلیغی شوکت میرضیایف تاراپیندان قابول ادیلمه گینه ده قاراشیلیار.
