أردوُغان تۆرکیأنینگ بیلیم پوداغینداقی اؤسۆشلرینه اۆنس چکدی
تۆرکیأنینگ جمهورباشلیغی رجب طیب أردوُغان بیلیم یورتلاری نینگ تأزه اوُقوو ییلی نینگ آچیلیش داباراسیندا بیانات بردی.
تۆرک یوُلباشچی ساپاقلارینگ میللی ذهن و شعوری قوُلدایان واغتیندا اۆستۆنلیک قازانیپ بیلجکدیگینی نیغتادی.
پایتاغت آنکاراداقی دابارادا چیقیش ادن أردوُغان عیلما، بارلاغا، بیلیمه و پیکیرلره بریلن باها نأدرجه یوُقاری بوُلسا یوردونگ گلجگی ده شوُنچا آیدینگ بوُلار دییپ آیتدی.
رجب طیب أردوُغان 2002-نجی ییلدا تۆرکیه ده سانی 76 بوُلان بیلیم یورتلاری نینگ شو گۆنکی گۆنده 208 سانینا یتندیگینی بیلدیردی و بیلیم یورتلاریندا اوُقایان اوُقووچیلارینگ 2 میلیوندان 7 میلیون سانینا یتندیگینی حابار بردی.
أردوُغان بیلیم یورتلارینداقی موغاللیم سانیندا دا تۆرکیأنینگ OECD یورتلاری نینگ ایچرسینده 8-نجی اوُرنا ایه دیگینی بیلدیردی.
تۆرکیأنینگ بیلیم بیلن باغلانشیقلی ماقالا یازماق باراسیندا دۆنیأده 29-نجی سانیندان 17-نجی یوردا اؤورۆلندیگینی آیدان تۆرک یوُلباشچی، تۆرکیه ده 198 یورتدان 340 مۆنگ داشاری یورتلی اوُقووچی نینگ بیلیم یورتلاریندا اوُقایاندیغینی آیتدی.
تۆرکیأنینگ جمهورباشلیغی ایسرائیل ینگ غزه دأکی ادیأن قیرغینچیلیقلارینا اۆنس چکدی و دۆنیأنینگ دؤرت بیر یانیندا بیلیم یورتلاریندا اوُقایان اوُقووچیلارینگ ایسرائیلی یازغارماق اۆچین یؤریش قوراندیقلارینی یاتلاتدی و بو طالیپلارینگ دۆرلی یورتلاردا پلیس تاراپیندان ایذا بریلمه گینی برک تانقیت اتدی.
