تۆرک اۆلکهلری تۆرکترانسپلانت سیستمینی باشلادیار
تۆرک دؤولتلری قوراماسی نینگ یورتلاری “تۆرک ترانس پلانت” سیستمینی یوُلا قوُییار.
بو دؤولتلرینگ ساغلیغی قوُراییش وزیرلری نینگ 4-نجی ماصلاحاتی آذربایجان ینگ شوشا شهرینده گچیریلدی.
آذربایجان ینگ ساغلیغی قوُراییش وزیری تیمور موسایووینگ یر ایه چیلیگینده گچیریلن ماصلاحاتا قورامانینگ باشلیغی قوبانیچبک عؤمۆرعالی یف، تۆرکیأنینگ ساغلیغی قوُراییش وزیری کمال مأمیش اوُغلی، قیرغیزیستان ینگ ساغلیغی قوُراییش وزیری عالیم قادیر بیشین علی یف، اؤزبگیستان ینگ ساغلیغی قوُراییش وزیری نینگ اوُرونباساری دؤوران سلطانوف و قیرغیزیستان ینگ ساغلیغی قوُراییش وزیری نینگ اوُرونباساری یربوُل عثپانوف قاتناشدی.
موسایف تۆرک دؤولتلری قوراماسی نینگ آغضالاری و سینچی یورتلار بیلن بیرلهشیک لوقمانچیلیق بیلیمی سیستمینی قوراندیقلارینی، اوُرتاق بیلیم بارلاغلاری نینگ گچیریلمه گی و اوُرتاق لوقمانچیلیق ساپاغی نینگ استانداردلاری نینگ بِلله نیلمه گی اۆچین ایش آلیپ باراندیقلارینی بیلدیردی.
وزیرلر ماصلاحاتینگ آخیریندا تۆرک دؤولتلری قوراماسیندا ارگان و اندام چالشیغی اۆچین تۆرک ترانس پلانت آدیندا سیستمی یوُلا قوُیاندیلار و پروتکلا قوُل چکدیلر.
بو ماصلاحاتدا تۆرک دؤولتلری قوراماسی نینگ آغضالاری و سینچیلاری نینگ آراسیندا اونکولوژی، کاردیولوژی، اوفتالمولوژی، پدیاتری، تراوماتولوژی و اورتوپدی پوداقلاریندا ایلالاشیق شرطناماسینا قوُل چکیلدی.
