پزشکیان پوتین بیلن دوشوشدی
ایران ینگ جمهورباشلیغی مسعود پزشکیان تۆرکمنیستان ینگ پایتاغتی آشغابات دا روسیانینگ یوُلباشچیسی ولادیمیر پوتین بیلن دوشوشدی.
ایکی یوردونگ جمهورباشلیغی بو دوشوشیقدا اؤزآرا قاتناشیقلار و حالقارا واقالار بیلن باغلانشیقلی گِنگِهشدی.
روسیا بیلن ایران ینگ ایقدیصادی و مدنی قاتناشیقلاری نینگ گۆن سایین گۆیچلِهنیأندیگینی آیدان پزشکیان ایکی یوردونگ قاتناشیقلاری نینگ موندان دا یوُقارلامالیدیغینی بیلدیردی.
ایران ینگ جمهورباشلیغی ایسرائیل ینگ هۆجۆملرینی برک تانقیت ادیپ “صهیونیست رژیم هیچ حیلی حالقارا حقوغی و انسانی قادا- ترتیبی تانیمایار و بؤلگه دأکی یاغدایلار دارتغینلی. اوروپا و آمریکا بؤلگه دأکی یورتلارینگ آراقاتناشیغی نینگ دورنوقلی یاغدایدا دوُوام اتمهگینی ایسله مه یأر” دیدی.
ایرنانینگ برن حابارینا گؤرأ روسیانینگ جمهورباشلیغی ایرانلی اِگیندِشینی بریکس ماصلاحاتینا چاغیردی و روسیا و ایران ینگ بیله لیکده حیذماتداشلیق ادیأندیگینی یاتلاتدی.
