پوتین: ماغتیم قولی پیراغی اوزاق واغتلاپ آستراخان دا یاشادی

روسیانینگ جمهورباشلیغی ولادیمیر پوتین تۆرکمنیستان ینگ پایتاغتی آشغابادا ساپار قوردی.

تۆرکمنلرینگ میللی شاهیری ماغتیم قولی پیراغی نینگ “دوُغلان 300-نجی ییلینا” باغیشلانان چأرأ قاتناشان پوتین برن بیاناتیندا ماغتیم قولی پیراغی نینگ ادبی میراثی نینگ حأضیرکی زامان دۆنیأسینده اولی أهمیته ایه دیگینی آیتدی.

پوتین ماغتیم قولی پیراغی نینگ “اوزاق واغتلاپ آستراخان ینگ قوُلاییندا یاشاندیغینی” آیتدی.

روس یوُلباشچی روسیانینگ فونتوو اوُباسیندا ماغتیم قولی پیراغی آدینداقی اوُقووجایینی آچاندیقلارینی و آستراحان شهرینده ماغتیم قولی نینگ یأدیگأرلیگی نینگ اوُتوردیلاندیغینی بیلدیردی.

پوتین سپتامبر آییندا مسکودا ماغتیم قولی پیراغی نینگ هیکلینی قورجاقدیقلارینی نیغتادی.

روسیانینگ جمهورباشلیغی ادن چیقیشی نینگ آحیریندا تۆرکمنیستان ینگ دؤولت یوُلباشچیلارینا بؤلگه ده پاراحاتچیلیق و دورنوقلیغی اۆپجۆن ادیأندیکلری اۆچین مینتدارلیق بیلدیردی.

پوتین تۆرکمنیستان ینگ جمهورباشلیغی سردار بردی محمدوف تاراپیندان “ماغتیم قولی پیراغی نینگ 300 ییللیغینا باغیشلانان مدال” بیلن سیلاغلاندی.