علی یف و پاشینیان دوشوشیقلارینگ دوُوام ادیلجکدیگینی بیلدیردی
آذربایجان ینگ جمهورباشلیغی الهام علی یف و ارمنیستان ینگ باش وزیری نیکول پاشینیان داشاری ایشلر وزیرلرینه ایکی یوردونگ پاراحاتچیلیق ایلالاشیغی نینگ مۆمکین بوُلان اینگ قیسغا واغتدا طایارلانماغینی و ایلالاشیغا قوُل چکیلمه گی اۆچین ایکی تاراپلی دوشوشیغا دوُوام اتدیرمهکلرینی ایسله دی.
آذربایجان دان بریلن ماغلوماتا گؤرأ علی یف و پاشینیان روسیانینگ تاتاریستان جمهوریتی نینگ قازان شهرینده بریکس ینگ یوُلباشچیلار ماصلاحاتیندا دوشوشدی.
آذربایجان ینگ داشاری ایشلر وزیری جیحون بایراموف بیلن ارمنیستان ینگ داشاری ایشلر وزیری آرارات میرزویان دا بو دوشوشیغا قاتناشدی.
دوشوشیقدا ایکی یوردونگ پاراحاتچیلیق دوشوشیقلاری، سرحتلرینگ کِسگیتلِنمه گی و بیله کی مسئله لر حاقیندا گنگه شیلدی.
علی یف بیلن پاشینیان داشاری ایشلر وزیرلری نینگ پاراحاتچیلیق ایلالاشیغی حاقیندا دوشوشماغا دوُوام اتجکدیکلرینی بیلدیردیلر.
