أردوُغان: ایسرائیل چاغالاری قیرماغا دوُوام ادیأر
تۆرکیأنینگ جمهورباشلیغی رجب طیب أردوُغان 13 آیدان بأری غزه ده چاغالارینگ اسرائیل ینگ تاراپیندان قیرغینچیلیق ادیلیأن واغتی هیچ بیر حالقارا قورامانینگ بو یاغدایا قارشی چیقماندیغینی یاتلاتدی و مونونگ انسانلیغینگ یوُق بوُلوشی نینگ گؤرکِزیجیسی بوُلاندیغینی بیلدیردی.
أردوُغان 9-نجی حالقارا حافظلیق و قرآن کریم تجوید یاریشی نینگ بایراق قوُوشوریلیش داباراسیندا بیانات بردی.
اسلام دۆنیأسی نینگ شو گۆنکی گۆنه چنلی هیچ هاچان بارلیغی و یاشاپ بیلمه گی بیلن باغلانشیقلی شیله سینانماندیغینی آیتدی و “غزه ده 50 مۆنگ بی‌گۆنأ انسان (ایسرائیل تاراپیندان) واغشی یاغدایدا اؤلدۆریلدی، همیشه بمبا یاغدیریلدی. انسانلیغینگ آدینا اوتاچ بریجی گۆنلر باشدان گچیریلیأر” دیدی.
قیرغینچیلیق بیلن بیله لیکده قیرغینچیلیغا قورامالارینگ دیمیق قالماغی نینگ دا اؤرأن اربِت یاغدای بوُلاندیغینی یاتلادان تۆرکیأنینگ جمهورباشلیغی “ایسرائیل ینگ حؤکۆمتی دینگه بیرلشن میللتلر قوراماسی نینگ حوُوپسوزلیق گنگه شینی دأل، بۆتین قورامالاری اسیر آلدی. نتانیاهو دییلن انسانلیغا دوشمان بوُلان بیرینی دوردورجاق، قیرغینچیلیق شبکه سیندن حاساپ سوُراجاق بیر ایش آلینیپ باریلمایار. 13 آی دان بأری چاغالار قیریلیار، ژورنالیستلار گؤنی افیرده کأ اؤلدۆریلیأر. اولی اولی قورامالار سس چیقارمایار. بو انسانلیغینگ قورتاراندیغی دیمه کدیر. گلوبال سیستمینگ اؤزی اؤزۆنی یاپاندیغی نینگ گؤرکِزیجیسیدیر بو” دیدی.
سانلاری نینگ 2 میلیاردا قوُلایلاندیغی اسلام عألمی نینگ ده غزه ده و لبنان دا اۆستۆنلیکلی یاغدایدا بو سیناغدان گچمأندیگینی آیدان تۆرک یوُلباشچی “انسانلیغینگ موندان دا دۆیبه دگمه زلیگی اۆچین حرکته گچیلمه لیدیر. باشدا کؤمِک سؤیر میللتیم بوُلماق بیلن هممه لری مظلوملارا کؤمِک برمأگه چاغیریارین” دیدی.
