قیرغیزیستان بیلن تۆرکیأنینگ یوُقاری درجه لی ماصلاحاتی گچیریلدی
تۆرکیأنینگ جمهورباشلیغی رجب طیب أردوُغان قیرغیزیستان ینگ پایتاغتی بیشکک ده یوُقاری درجه لی استراتژیک حیذماتداشلیق گنگه شی نینگ 6-نجی ماصلاحاتینا قاتناشدی.
تۆرکیه بیلن قیرغیز جمهوریتی نینگ آراسینداقی حوُوپسوزلیق، ساپاق بریش و تکنیک قوُلداو پروژه لری نینگ اۆستۆنلیکلی یاغدایدا دوُوام ادیأندیگینه اۆنس چکن أردوُغان “فت الله چی ترور قوراما فتؤ باشدا بوُلماق بیلن ترورچیلیغینگ هر حیلیینه قارشی گؤرهشیمیزه اۆزنۆکسیز دوُوام اتجکدیگینه اینانیارین. شو گۆن قوُل چکجگیمیز حوُوپسوزلیق حیذماتداشلیغیمیزینگ موندان دا گۆیچلنمه گینی آرزوو ادیأریس” دیدی.
تۆرک یوُلباشچی غزه باشدا بوُلماق بیلن اشغال ادیلن فلسطین ینگ توُپراقلاریندا ایسرائیل ینگ مظالمی نینگ دوُوام ادیأندیگینی آیتدی و “ایسرائیل ایندی ده لبنانا قارشی هۆجۆم ادیأر و بۆتین بؤلگه ده حوُوپسوزلیق و حالقارا سیستمی تهدیت ادیأر. شوشادا گچیریلن تۆرک دؤولتلری قوراماسی نینگ رسمی بوُلمادیق ماصلاحاتیندا غزه ده یؤنه کی یاشاییجیلارینگ هدپ آلینماغینی یازغاریپ چالت یاغدایدا اوُد آچیلشیغا بس ادیلمه گینی و انسانی کؤمِگینگ یتیریلمه گینی ایسلأپدیک. تۆرک دۆنیأسی حؤکمۆنده فلسطین مسئله سی نینگ همیشه لیک و عادالاتلی یاغدایدا چؤزگۆده قوُوشوریلماغی اۆچین تاغاللالاریمیزا دوُوام ادریس” دیدی.
أردوُغان ایسرائیلا باسیش ادیلمه گینه بیرلشن میللتلر باشدا بوُلماق بیلن دۆرلی پلاتفرملاردا قوُلداو برن قیرغیزیستانا ساغ بوُلسون آیتدی.
