ایران: فخری‌زادأنینگ تروری بیلن باغلانشیقلی 3 آدام آسیلدی
ایران دا 2020-نجی ییلدا ترور ادیلن تانیمال اتم فیزیکچیسی محسن فخری زاده نینگ تروری بیلن باغلانشیقلی بوُلاندیغی آیدیلان اۆچ آدام اعدام ادیلدی.
تسنیم حابار سریشده سی اصغر جهانگیرینگ برن ماغلوماتینا گؤرأ “ایسرائیل ینگ 3 جاسوسی نینگ” آسیلیپ اؤلدۆریلندیگینی حابار بردی.
جهانگیر “گۆن باتار آذربایجان ولایاتیندا توسساغ ادیلن ایسرائیل ینگ 3 جاسوسی، الکل قاچاقچیلیغی آدی بیلن فخری زادأنینگ ترور ادیلمه گی بیلن باغلانشیقلی اِنجاملاری گتیردی. بولار اعدام ادیلدی” دیدی.
جهانگیر ینه 5 آدامینگ بو مسئله بیلن باغلانشیقلی توسساغدا بوُلاندیغینی آیتدی.
محسن فخری زاده 2020-نجی ییلینگ 27-نجی نوُیابریندا تهران ینگ آبسرد شهرینده ترور ادیلیپدی.
ایران ینگ شوُل واغتقی داشاری ایشلر وزیری محمدجواد ظریف بو ترورچیلیقلی هۆجۆمینگ آرقاسیندا ایسرائیل ینگ باردیغی بیلن باغلانشیقلی آچ آچان ماغلوماتینگ باردیغینی آیدیپدی.
موسادینگ اوُزالقی باشلیقلاریندان یوسی کوهن ده 2021-نجی ییلینگ ژوئن آییندا ایسرائیل ینگ تلویزیونیندا فخری زادأنینگ “ایسرائیل ینگ کنترلی آستیندا” ترور ادیلندیگینی بیلدیریپدی.
