أردوُغان: تۆرک دۆنیأسی نینگ عاصرینی دؤره‌تمه‌ک اۆچین بیله‌لیکده ایشلأریس
تۆرکیأنینگ جمهورباشلیغی رجب طیب أردوُغان ” اؤنگۆمیزدأکی دؤورینگ تۆرک دۆنیأسی نینگ عاصری بوُلماغی اۆچین بیله لیکده ایشله‌شِریس” دیدی.
أردوُغان قیرغیزیستان ینگ پایتاغتی بیشکک ده تۆرک دؤولتلری قوراماسی نینگ 11-نجی یوُلباشچیلار ماصلاحاتیندا بیانات بردی.
تۆرک دۆنیأسی اۆچین اوُرتاق بیر گلجگی قورماق ایسله یأندیکلرینی نیغتایان تۆرک یوُلباشچی “تۆرک دؤولتلری قوراماسی گؤره‌لده بیر قوراما یاغدایینا گلدی. تۆرک دۆنیأسینی همیشه لیک یاغدایا گتیرجک گۆیچلی ایغتیار بۆتین دوُستلاریمیزدا آرتیقماچی بیلن بار. بو قورامامیزی اؤرأن اؤنگه أکیدریس” دیدی.
رجب طیب أردوُغان اوُرتاق الیپ بی نینگ ایشلری نینگ 2024-نجی ییلینگ سپتامبر آییندا تاماملاناندیغینی بیلدیردی و تۆرک یورتلاری نینگ هممه سی نینگ شوُل الیپ بی نی یوُلا قوُیمالیدیغینی یاتلاتدی.
تۆرکیأنینگ جمهورباشلیغی، دمیرقازیق قبرس تۆرک جمهوریتی نینگ ده بو ماصلاحاتدا حوُرماتلی میهمان یاغداییندا بوُلاندیغینی آیتدی و “قوُلایدا اوُلاری دا آغضا حؤکمۆنده گؤرمأگه قاراشیالریس. قبرس دا عادالاتلی چؤزگۆت اۆچین تۆرک دۆنیأسینه جوُغاپکأرچیلیک دۆشیأر. بیز اوکراینادا دا همیشه لیک و عادالاتلی بیر پاراحاتچیلیغا قوُلداو بریأریس” دیدی.
أردوُغان ایسرائیل ینگ غزه و لبنانا ادن هۆجۆملرینه ده اۆنس چکدی و تۆرکیأنینگ ایسرائیلی دوردورماق و فلسطین دؤولتی نینگ قورولماغی اۆچین الیندن گلن تاغاللانی ادیأندیگینی یاتلاتدی.
