أردوُغان گۆن ترتیبی نینگ ایلری توتولیان اوغورلاری حاقیندا بیانات بردی
تۆرکیأنینگ جمهورباشلیغی رجب طیب أردوُغان دونالد ترامپ ینگ آمریکانینگ جمهورباشلیغی بوُلماغی نینگ یاقین گۆن دوُغارداقی سیاسی و حاربی دنگ آغراملیلیغا اولی تأثیر یتیرجکدیگینی آیتدی.
أردوُغان قیرغیزیستان و مجاریستان دان قایدیپ گلیأن واغتی اوچاردا ژورنالیستلارینگ سوُراغلارینا جوُغاپ بردی.
دونالد ترامپا 5-نجی نوُیابرداقی سایلاوینگ نتیجه سی نینگ آنیقلانماغیندان سوُنگرا قیزیقلی تلفن گۆررۆنگدشلیگینی ادندیگینی یاتلادان تۆرک یوُلباشچی “سایلاو اِتابی و تۆرکیه- آمریکا آراقاتناشیغی حاقیندا گنگه شدیک. موندان سوُنگراقی اتاپ بیلن باغلانشیقلی تۆرکیه حاقیندا قوُوی سؤزلر آیتدی. اؤزۆنی یوردومیزا چاغیردیق. چاقیلغیمیزی قابول اتمه گینی اومیت ادیأریس” دیدی.
“فلسطین مسئله سی و روسیا- اوکراینا دارتغینلیغی بیلن باغلانشیقلی کؤپ سانلی سیناغلار بار” دیه ن أردوُغان “تۆرکیه- آمریکا آراسینداقی حیذماتداشلیق بیلن بو مسئله لری چؤزگۆده قوُوشورماق مۆمکین. فلسطین و لبنان داقی ایسرائیل ینگ هۆجۆملرینی دوردورماق اۆچین حوُرماتلی ترامپ ینگ ایسرائیلا یاراغ قوُلداوینی دوروزماغی قوُوی باشلانغیچ بوُلوپ بیلر. ترامپ ینگ ایسرائیل تاراپیندان باشلادیلان هۆجۆملری دوردورماق بیلن باغلانشیقلی سؤزلری بار. بیز بو سؤزلرینگ یرینه یتیریلمه گینی و ایسرائیلا دور دییلمه گینی ایسله یأریس.” دیدی.
تۆرکیه بیلن اوروپا بیله له شیگی نینگ قاتناشیقلاری حاقیندا دا دوروپ گچن تۆرکیأنینگ جمهورباشلیغی، اوروپا بیله له شیگی بیلن سیاسی دیوارلارا قارامازدان، دنگ شرطلرده قاتناشیقلاری ایسله یأندیگینی یاتلاتدی و “اوروپا بیله له شیگیندن ییتیریلن واغتی اۆپجۆن اتجک أدیملره قاراشیاریس” دیدی.
