أردوُغان عربیستان دا ساپاردا بوُلدی
تۆرکیأنینگ جمهورباشلیغی رجب طیب أردوُغان “بیر قیسیم گۆن باتارلی یورت ایسرائیلا هر حیلی قوُلداوی بریأرکأ، مسلمان یورتلارینگ برن قارشیلیقلاری یتیرلیک دأل، شوُنونگ اۆچین یاغدای شو واغت شیله دیر” دیدی.
تۆرک یوُلباشچی اسلام حیذماتداشلیغی قوراماسی و عاراپ لیگی نینگ عاداتدان اشغاری اوُرتاق ماصلاحاتیندا بیانات بردی.
أردوُغان “ایسرائیل ینگ غزه و فلسطین ینگ باشغا یرلرینده ادن قیرغینچیلیغیندا شو واغتا چنلی اؤلِنلرینگ 70 گؤتریمی چاغا و زنانا. 50 مۆنگ فلسطینلی شهیت بوُلدی” دیدی.
“تۆرکیه شو واغتا چنلی 84 مۆنگ تن دان کؤپ کؤمک ایبردی، چأکلندیرمه لر بس ادیلندن سوُنگ موندان کؤپ کؤمِک ایبرریس” دیه ن رجب طیب أردوُغان “ایسرائیل انسانی کؤمِکلرینگ غزأ یتیریلمه گینی چکیپ بیلمه یأر. ایبریلن کؤمِکلری نأچه آیدان بأری مصردا قاراشدیریار” دیدی.
تۆرکیأنینگ جمهورباشلیغی “نتانیاهو حؤکۆمتینه فلسطین ینگ توُپراقلارینی اشغال اتمه گی نینگ آغیر گلجکدیگینی آچ آچان و و چینلاقای یاغدایدا گؤرکِزمأگه طایاردیرس. گۆن اوُرتا آفریقا تاراپیندان ایسرائیلا قالرشی حالقارا عادالات دیوانیندا آچیلان دعویه کؤپ سانلی یوردونگ قوُشولماغینی ایسله مه لیدیرس” دیدی.
تۆرک یوُلباشچی سعودی عربیستان دان سوُنگرا آذربایجانا گچدی.
