آلتون آهیسکا تۆرکلری نینگ گؤره‌شینی قوُراماغا دوُوام اتجکدیکلرینی آیتدی
تۆرکیأنینگ جمهورباشلیقلیغی نینگ آراقاتناشیق اداراسی نینگ باشلیغی فخرالدین آلتون آهیسکا تۆرکلری نینگ گؤره‌شینی هر پلاتفرمدا قوُراماغا دوُوام اتجکدیکلرینی آیتدی
فخرالدین آلتون آنکارادا گچیریلن “سۆرگۆنینگ 80-نجی ییلیندا آهیسکا تۆرکلری نینگ حقوقی و سوسیال مسئله لری حالقارا سمپوزیومیندا” ویدئو آرقالی بیانات بردی.
بیاناتیندا آهیسکا تۆرکلری نینگ آتا واطانیندان قوُپاریلاندیغینا اۆنس چکن آلتون “100 مۆنگ آهیسکا تۆرک-ی موندان 80 ییل اوُزال ینه شیله سوُویق بیر نوُیابر آیندا 14-نجی نوُابر 1944-ده شوُل دؤورۆنگ اینگ رحیمسیز دیکتاتوری تاراپیندان بیر گیجه ده آتا واطانلاریندان قوُپاریلیپ اؤلۆم سۆرگۆنینه ایبریلدی. 1944-نجی ییلدا سۆرۆلمأگه مجبور ادیلن بو دوُغانلاریمیز شوُل گۆندن بأری آتاواطانیندان اوزاقدا دۆنیأنینگ 9 یوردوندا قین یاغدایلاردا یاشاماغا مجبور بوُلدی” دیدی.
آلتون تۆرکیأنینگ اؤز یورتلارینا قایتماق اۆچین تاغاللا ادیأن آهیسکالی دوُغانلاری نینگ 80 ییللیق یارالاری نینگ قوُویلاشماغی اۆچین اولی دیپلماتیک تاغاللا آلیپ باریاندیغینی و بو ایشه دوُوام اتجکدیگینی سؤزلرینه قوُشدی.
تۆرک ماقام، شو واغت غزه دأکی قیرغینچیلیغا دیمان حالقارا جمغیتچیلیگینگ گچمیش واغتدا دا آهیسکا، حوُجالی و بوُسنیاداقی قیرغینچیلیقدا دا شیله ادندیگینه اۆنس چکدی.
سؤز سؤزلأن واغتلاری انسان حقوغی نینگ اینگ باتیرغای قوُراغچیسی بوُلان بیر توُپارینگ مسلمانلارینگ جانی و قانی مسئله بوُلاندا دیمیق قالیاندیغی آیدان فخرالدین آلتون، “شو گۆن شو یرده بوُلشی یالی، هممه تاراپلار دیمسا دا بیز هر پلاتفرمدا آهیسکا تۆرکلری نینگ گؤره‌شینه قوُلداو برمه گی دوردورماریس” دیدی.
