عمر بوُلات: تۆرکیه، عیراغینگ أتیأجی بوُلان بۆتین پروژه لره قوُلداو برر
تۆرکیأنینگ سؤودا (تیجارت) وزیری عمر بوُلات عیراغینگ أتیأجی بوُلان هر حیلی پروژأ تۆرکیأنینگ قوُلداو برجکدیگینی آیتدی.
بوُلات عیراغا قوران ساپاری نینگ ایکینجی گۆنۆنده بصره شهرینده ایش آلیپ باریجیلار بیلن دوشوشدی.
تۆرک وزیر تۆرکیأنینگ پروژه آلیپ باریجیلاری نینگ یوُقاری حیل پروژه لری آرزان قیممات باها بیلن اۆپجۆن اتمأگه طایاردیغینی آیتدی.
بوُلات “تۆرک پروژه آلیپ باریجیلاری 137 اۆلکه ده 12 مۆنگ 330 دان کؤپ پروژه بیلن 522 میلیارد دلارلیق پروژه اۆپجۆن اتدی و بو پروژه لری تاماملادی” دیدی.
تۆرکیأنینگ تیجارت وزیری تۆرک پروژه آلیپ باریجیلارینگ باشدا قالقینیش یوُلی پروژه سی بوُلماق بیلن عیراغینگ أتیأحی بوُلان بۆتین پروژه لرده یاریشماغا، یوُقاری حیل حیذماتی آرزان یاغدایدا اۆپجۆن اتمأگه طایاردیغینی دا سؤزلرینه قوُشدی.
عمر بوُلات تۆرکیه بیلن عیراغینگ آراسینداقی تیجارت (سؤودا) موقدارینی 30 میلیارد دلارا یتیرمه ک ایسله یأندیکلرینی بیلدیردی.
