پأکیستان دا شیغالارا قورلان هۆجۆمده کؤپ سانلی آدام اؤلدی
پأکیستان ینگ خیبرپختونخوا ایالتینده شیغا مسلمانلاری آلیپ باریان بیر مینی بوسا قورلان یاراغلی هۆجۆمده اینگ آز 28 آدام اؤلدی، 30 آدام دا یارالاندی.
پلیس گۆیچلریندن عظمت علی بیرنأچه یاراغلی آدامینگ پاراچیناردان پیشاور شهرینه باریان بیر مینی بوسا یاراغلی هۆجۆم قورلاندیغینی آیتدی.
عظمت علی یوُلاغچیلارینگ شیغا مسلمانلار بوُلاندیغینی بیلدیردی.
یارالیلارینگ بیرنأچه سی نینگ یاغدایی نینگ اؤرأن اربِتدیگی و ییتگیلرینگ یوُقارلاپ بیلجکدیگی حابار بریلیأر.
هنیز هۆجۆمینگ جوُغاپکأرلیگینی اؤز اۆستۆنه آلان توُپار یوُق.
پأکیستان ینگ جمهورباشلیغی آصف علی زرداری بو هۆجۆمی یازغاردی و اؤلِنلرینگ قارینداشلارینا دویغوداشلیق بیلدیردی.
پأکیستان ینگ خیبرپختونخوا و بلوچیستان ایالتلرینده ایزی گیدرلی یاغدایدا ترورچیلیقلی هۆجۆملر بوُلیار.
اسلام آباد بو هۆجۆملرینگ اوُوغانیستان دان دوُلاندیریلیان پأکیستان طالیبانی توُپاری تاراپیندان قورولیاندیغینی اؤنگه سۆریأر.
اوُوغانیستان بوُلسا پأکیستان ینگ حؤکۆمتی نینگ قاراییشینی قابول اتمه یأر.
خیبرپختونخوا ایالتینده همیشه طاپیا ساواشی بوُلیار. بو طایپا ساواشیندا مذهبچیلیک ده اؤنگه چیقیپ بیلیأر.
