ارسین تاتار: دمیرقازیق قبرس تۆرک دۆنیأسی نینگ آق دنگیزه آچیلان قاپیسیدیر
دمیرقازیق قبرس تۆرک جمهوریتی نینگ جمهورباشلیغی ارسین تاتار، دمیرقازیق قبرس تۆرک جمهوریتی نینگ تۆرک دۆنیأسی نینگ آق دنگیزه آچیلان قاپیسی بوُلاندیغینی آیتدی.
تاتار تۆرکیأنینگ تیجاری اوُتاغلار و بورسلار بیله له شیگی نینگ بروکسل دأکی وکیلحاناسیندا بلژیک دأکی تۆرک ایشه وۆرلر بیلن دوشوشدی.
دمیرقازیق قبرس تۆرک جمهوریتی نینگ اؤزۆنه یؤریته سیاسی مسئله لری نینگ باردیغینی نیغتان ارسین تاتار، “دۆنیأ بیزی دوُلی ماغناسیندا تانامادی و هنیز چأکلندیرمه لر قوُیانی اۆچین بیرنأچه مسئله بار اِمما مونگا قارامازدان دمیرقازیق قبرس تۆرک جمهوریتی 1974-نجی ییلدان بأری ایزی گیدرلی یاغدایدا ایقدیصادی تایدان اؤسیأر” دیدی.
“قارشی تاراپینگ بۆتین حقوقسیز ایشلرینه قارامازدان قاراشسیز بیر تۆرک دؤولتی حؤکمۆنده دیرس” دیه ن تاتار قبرس دا 50 ییلدان بأری پاراحاتچیلیق، دورنوقلیلیق و آسودالیغینگ باردیغینی سؤزلرینه قوُشدی.
