أردوُغان: انرژی پوداغیندا دوُلی قاراشسیز بیر تۆرکیه اۆچین تاغاللا ادیأریس
تۆرکیأنینگ جمهورباشلیغی رجب طیب أردوُغان “انرژی پوداغیندا دوُلی قاراشسیز بیر تۆرکیه ماقصادی بیلن یوُلومیزا ایناملی یاغدایدا دوُوام ادیأریس” دیدی.
ایستامبول ینگ کنگره مرکزینده گچیریلن ایستامبول انرژی فوُرومیندا بیانات برن أردوُغان، یاقین تاریحدا بؤلگه ده (منطقه ده) بوُلان دارتغینلیقلارینگ انرژی حوُوپسوزلیغینی نینگ یوردونگ ایقدیصادیه‌تی اۆچین نأدرجه أهمیتلی بوُلاندیغینی ینه بیر گزه ک گؤرکِزندیگینی آیتدی.
روسیا بیلن اوکراینانینگ آراسینداقی ساواشدان مۆنگ گۆن گچندیگینی و ایلایتا دا بو مسئلأنینگ انرژی حوُوپسوزلیغیندا اؤزۆنی گؤرکِزندیگینی آیدان أردوُغان، تۆرکیأنینگ ساواشان هر ایکی تاراپ بیلن دنگ آغراملی قاتناشیقل قوراندیغینی و قین گۆنلری آنگسات یاغدایدا گچیرن یورتلاردان بیری بوُلاندیغینی بیلدیردی.
انرژی پوداغیندا دوُواملیلیغا، داشاری یورتلارا قاراشلیلیغی آزالتماغا و انرژی نینگ قیممات باهاسینی آرزان اتمأگه أهمیت بریأندیکلرینی آیدان تۆرک یوُلباشچی “چۆنکی بیز تؤوه‌رِگیمیزده کؤپ سانلی یوردونگ ترسینه اولانیان انرژیمیزینگ کؤپۆسینی داشاردان ساتین آلماغا مأتأچ بیر یورتدیرس” دیدی.
تۆرکیه حؤکمۆنده ماغداندان نبیت و طبیغی گازا، یل انرژیسیندن گۆن انرژیسینه هر پوداقدا پتانسیلیندن اینگ یوُقاری درجه ده پیدالانماق اۆچین تاغاللا ادیأندیکلرینه اۆنس چکن رجب طیب أردوُغان، انرژی پوداغیندا دا دوُلی قاراشسیز بیر تۆرکیه اۆچین ایش آلیپ باریاندیقلارینی نیغتادی.
أردوُغان “کیم نأمه دیجک بوُلسا دیسین. انرژی باشدا بوُلماق بیلن هیچ بیر پوداقدا یوردومیزی باشغالارا مأتأچ اتمه لی دألدیرس. بیز شو مسئله حاقیندا توتان یرلی توتومیمیزا دوُوام ادیأریس” دیدی.
