پأکیستان دا پاراچینارلی شیغالارا قورلان هۆجۆمده 42 آدام اؤلدی
پأکیستان ینگ خیبرپختونخوا ایالتینده مینی بوس‌‍لار بیلن پیشاور شهرینه باریان پاراچینارلی شیغا توُپارا یاراغلی هۆجۆم قورولدی.
دۆین بوُلان پاجیغادا 42 آدام آرادان چیقدی، 20 آدام یارالاندی.
داون قازتی نینگ برن حابارینا گؤرأ شیغا مسلمانلارینگ مینی بوسلارینا یاراغلی هۆجۆم قورولدی.
خیبرپختونخوانینگ وزیرلریندن آفتاب عالم بو هۆجۆمده 42 آدامینگ آرادان چیقاندیغینی آیتدی.
عالم هۆجۆمچیلرینگ توسساغ ادیلمه گی اۆچین ایش آلیپ باریلیاندیغینی آیتدی.
20 یارالیدان دا 10-ی نینگ یاغدایی نینگ اربت بوُلاندیغی بیلدیریلدی.
شوُنونگ اۆچین ییتگی سانی نینگ یوُقارلاپ بیلجکدیگی حابار بریلیأر.
خیبر پختونخوا ایالتی نینگ مطبوغات گنگه شچیسی محمدعلی سیف مینی بوس کرونینده 200 اولاغینگ بوُلاندیغینی و یاراغلی هۆجۆمچیلرینگ ایلکی بیلن پلیس گۆیچلرینه هۆجۆم قوراندیغینی آیتدی.
بو هۆجۆمی هنیز اؤز اۆستۆنه آلان بوُلمادی.
پأکیبستان ینگ جمهورباشلیغی آصف علی زرداری هۆجۆمی یازغاردی و آرادان چیقانلارینگ قارینداشلارینا دویغوداشلیق بیلدیردی.
پأکیستان ینگ باش وزیری شهباز شریف ده بو هۆجۆمی یازغاردی و هۆجۆمچیلرینگ توتولماغینی ایسله دی.
ایچری ایشلر وزیری محسن نقوی ده بو هۆجۆمینگ “ترورچیلیقلی هۆجۆم” بوُلاندیغینی آیتدی.
خیبرپتنخوا ایالتی نینگ باش وزیری علی امین گنداپور دا آرادان چیقانلارینگ ماشغالالارینا مادّی تایدان قوُلداو بریلجکدیگینی آیتدی.
