پاشینیان: تۆرکیه بیلن قاتناشیق قورمالیدیرس
ارمنیستان ینگ باش وزیری نیکول پاشینیان آذربایجان و تۆرکیه بیلن قاتناشیقلاری یاغشی یره یتیرمه ک ایسله یأندیکلرینی آیتدی.
پاشینیان ارمنیستان ینگ دؤولت تلویزیونیندا سؤز سؤزله‌دی.
دوُستلوق بیلن باغلانشیقلی سؤز آیدان ارمنی یوُلباشچی “ارمنیستان ینگ دورنوقلیلیغی، قاراشسیزلیغی و ایقدیصادینی گۆیچله‌ندیرمه ک ایسله یأن بوُلساق قاتناشیقلاریمیزی گۆیچلندیرمه‌لیدیرس. تۆرکیه بیلن آرامیزداقی بوز هوُوانی قیزدیرمالیدیرس” دیدی.
نیکول پاشینیان مارت آییندا بیر مطبوغات گنگه شینده “تۆرکیأنینگ حالقارا درجه ده اولی بیر اوُیونچی بوُلاندیغینی انکار اتمأگه گره ک یوُق، بو حاقیقاتی قابول اتمه لیدیرس” دییپدی.
سپتامبر آییندا بیرلشن میللتلر قوراماسی نینگ ماصلاحاتی اۆچین نیویورک دا بوُلان پاشینیان تۆرک اؤیۆنده تۆرکیأنینگ جمهورباشلیغی رجب طیب أردوُغان تاراپیندان قابول ادیلیپدی.
بو دوشوشیقدا تۆرکیه بیلن ارمنیستان ینگ آراقاتناشیغی و ارمنیستان بیلن آذربایجان ینگ آراسینداقی شرطسیز قاتناشیقلار و همیشه لیک پاراحاتچیلیق اِتابی بیلن باغلانشیقلی گۆررۆنگ ادیلیپدی.
تۆرکیأنینگ جمهورباشلیغی بوُلسا دیالوگ اتابی نینگ دوُوام ادیلمه گینه چئن یۆره کدن قوُلداو بریأندیگینی آیدیپ پاشینیانا “موندان دا عادالاتلی بیر دۆنیأ مۆمکین” کیتابینی سوُوغات بریپدی.
