یاشار گۆلر: زاب دا ترورچیلارینگ قاچارا یوُلی یوُق

تۆرکیأنینگ میللی قوُرانماق وزیری یاشار گۆلر “شو ییلینگ باشیندان بأری 2 مۆنگ 564 ترورچی تأثیرسیز یاغدایا گتیریلدی. اینگ سوُنگقی حرکتده تۆرکیأنینگ قشونی نینگ اولی پیدأگأرلیگی و تاغاللاسی بیلن زاب دا ترورچیلارا یاپیلدی” دیدی.

تۆرک وزیر تۆرکیأنینگ بیک میللت مجلیسی نینگ پلان و بودجه کمیسیونیندا، میللی قوُرانماق وزیرلیگی نینگ 2025-نجی ییلداقی بودجه سی بیلن باغلانشیقلی اوُتورشیقدا بیانات بردی.

گۆلر اوُزال تۆرک قشونی نینگ “چأکلی و ماقصاتلی و بِللی واغتلی” حرکتلر قوریاندیغینی، ایندی بوُلسا ترورچیلیغی کؤکۆندن قوروتماق استراتژیسینی آلیپ باریاندیغینی و “همیشه لیک و دوُلی” حرکت قوریاندیغینی آیتدی.

قوُرانماق وزیری “باشدا پ. ک. ک/ ک. ج. ک، پ. ی. د/ ی. پ. گ و داعش بوُلماق بیلن بۆتین ترور قورامالارینا اولی ییتگی چکدیریأریس” دیدی.

یاشار گۆلر ترورچیلار بیلن توتان یرلی یاغدایدا ساواشا دوُوام ادیلجکدیگینی ده سؤزلرینه قوُشدی.