ایران: پاراحاتچیلیقلی اتم ایشلریمیز آچ‌آچان‌دیر
ایران ینگ اتم انرژیسی قوراماسی نینگ باشلیغی محمد اسلامی یوردونینگ آلیپ باریان اتم ایشلری نینگ آچ‌آچان (شفاف) بوُلاندیغینی و حالقارا اتم انرژیسی قوراماسی نینگ کنترلی آستیندا بوُلاندیغینی آیتدی.
اسلامی کابینه ییغناغیندان سوُنگرا مطبوغات کنفرانسیندا سوُراغلارا جوُغاپ بردی.
ایرانلی ماقام “ایران ینگ اتم تاسلاماسی و گؤنۆکیأن یوُلی بِللی‌دیر. آچ آچان و پاراحاتچیلیقلی دیر. بۆتین ایشلریمیز UAEA قوراماسی تاراپیندان بارلانیار و اتمی یاراغلارینگ یایراماغی نینگ اؤنگۆنه گچیلمه گی بیلن باغلانشیقلی ایلالاشیغا (NPT) تابین‌دیر” دیدی.
اورانیومی اینگ کؤپ 60 گؤتریمه چنلی بایلاشدیریاندیقلارینی آیدان اسلامی “دۆرلی ماقصاتلار اۆچین دۆرلی مؤچبرده اورانیوم بایلاشدیریاریس” دیدی.
ایران بیلن انگلستان، فرانسیا و آلمانیانینگ داشاری ایشلر وزیرلری نینگ اوُرونباسارلاری ایران ینگ اتمی ماقصاتناماسی و بؤلگه دأکی یاغدایلار حاقیندا گۆررۆنگ اتمه ک اۆچین 29-نجی نوُباردا ژنو شهرینده دوشوشیق گچیرر.
