أردوُغان: قاراشسیز فلسطین دؤولتی قورولیانچا گؤره‌شیمیزه دوُوام ادریس
تۆرکیأنینگ جمهورباشلیغی رجب طیب أردوُغان قاراشسیز بیر فلسطین دؤولتی قورولیانچا تاغاللا اتمأگه دوُوام اتجکدیکلرینی آیتدی.
أردوُغان ایستامبول دا گچیریلن غزه نینگ گلجگی آدلی حالقارا انسانی کؤمِک ماصلاحاتینا ویدئو آرقالی بیانات بردی.
ایسرائیل ینگ غزه ده قیرغینچیلیق ادیپ 50 مۆنگه یاقین فلسطینلی-نی اؤلدۆرندیگینی یاتلادان أردوُغان کؤپ سانلی چاغا و زنانانینگ دا ایسرائیل ینگ هۆجۆملرینده اؤلِندیگینی آیتدی.
تۆرک یوُلباشچی ایسرائیل ینگ لبنانا ادن هۆجۆمینده ده 3 مۆنگ 500-دن کؤپ آدامینگ اؤلِندیگینی آیتدی و ایسرائیل ینگ بو هۆجۆملرینی برک تانقیت اتدی.
أردوُغان تۆرکیأنینگ غزه دأکی فلسطینلیلره 86 مۆنگ تن دان کؤپ کؤمِک ایبریپ دۆنیأده فلسطینلیلره اینگ کؤمِک ایبرن یوتلارینگ ساناوینا گیرندیگینی آیتدی.
تۆرکیأنینگ جمهورباشلیغی “لبنان داقی دوُغانلاریمیزا دا ایبرن کؤمِکلریمیز 300 تن دان گچدی” دیدی.
تۆرک یوُلباشچی مسلمان یورتلارینگ بیله لیکده حرکت اتمه لیدیگینی ده سؤزلرینه قوُشدی و 1967-نجی ییلینگ سرحت چأکلرینه گؤرأ پایتاغتی گۆن دوُغار قدس بوُلان قاراشسیز و اؤزایغتیارلی بیر فلسطین دؤولتی نینگ قورولماغینی ایسله دی.
