ایستامبول- دمشق آراسیندا اوچار ساپارلاری باشلادیلار

ایستامبول بیلن سوریأنینگ پایتاغتی دمشق ینگ آراسیندا 3- 4 آی سوُنگرا یوُلاغچی اوچارلارینگ ساپارینا باشلانار.

تۆرکیأنینگ قاتناو و اساسی قورلوشیقلار وزیری عبدالقادیر اورال اوُغلی یؤریته بیر تلویزیون کانالینا برن بیاناتیندا، سوریه دأکی قاتناو مسئله لری حاقیندا گۆررۆنگ بردی.

دمشق دأکی قوُنالغانینگ حالقارا اوچوشلارا طایار یاغدایا گلمه لیدیگینه اۆنس چکن اورال اوُغلی، “ایستامبولا دمشق دن بیر آراباغلانشیق قوران واغتیمیز اوُلاری بۆتین دۆنیأ باغلاپ بیلریس. بو مسئله بیلن باغلانشیقلی ایش آلیپ باریاریس” دیدی.

اورال اوُغلی “بیز حرکت بؤلگأمیزدأکی 3 یرده یوُللار و کؤپرۆلری قوردیق. بو مسئله بیلن باغلانشیقلی تجریله لریمیز بار. سوریه ده ادیلمه گی گره‌کلی کؤپ ایش بار. شوُل یرینگ دورنوقلیلیغی بیزینگ اۆچین اؤرأن أهمیتلیدیر” دیدی.