فیدان: گۆن باتار یورتلاری داعش باهاناسی بیلن ی. پ. گ/ پ. ک. ک ترور قوراماسینا قوُلداو بریأر
تۆرکیأنینگ داشاری ایشلر وزیری هاکان فیدان سوریه ده “ترور قوراماسی داعش بیلن ساواش” باهاناسی بیلن آیرالیقچی ی. پ. گ/ پ. ک. ک ترور قوراماسینا قوُلداو بریأن اۆلکه لری برن یازغاردی.
فیدان ایستامبول دا یرلی و داشاری یورتلی ژورنالیستلار بیلن دوشوشدی.
تۆرک وزیر اوروپاداقی بیرنأچه کیچی یوردونگ، آمریکانینگ قوُللاری نینگ آستیندا سوریه ده بِللی حرکتلره قاتناشیپ شوُل یرده سؤز حاقینا ایه بوُلدوقلارینی پیکیر ادیأندیگینی و اوُلارینگ آلیپ باریان سیاساتلاری نینگ اؤزلرینه و بؤلگأ بأحبیتلی بوُلماندیغینی آیتدی.
“آمریکانینگ بوُلمان یرینده اؤزلری بؤلگأ گیریپ حرکت قورماغی و عسگری گۆیجۆنی ایبرمه گی سیناپ گؤرسۆنلر دییأریس اِمما شیدیپ بیلمه جکدیکلرینی ده بیلیأریس” دیه ن فیدان “آمریکانینگ گۆیجۆنی اولانیپ، اوُنونگ آرقاسیندا ساقلانیپ اؤز بأحبیتلرینی اؤنگه آلیپپ بارماق اۆچین سؤز آیدان یورتلارا أهمیت برمه یأریس. بو مسئله دأکی بیزینگ بیلن گپله شجک یورت آمریکادیر. آمریکانینگ ایزیندا بوُلان یورتلار دأل” دیدی.
تۆرک وزیر ” کؤپ گِزه ک آیتدیق، (پ. ک. ک/ ی. پ. گ) نینگ تهدیدی بیلن یاشاماق یالی بیر پیکریمیز یوُق. یا باشغاسی بو مسئلأنی چؤزگۆده قوُوشورار یا دا بیز ایش آلیپ باراریس” دیدی.
