تۆرکیه بیلن ایران اِکِرانچیلیق پوداغیندا بیله‌لیکده ایشلِه‌شِر
تۆرکیأنینگ اکرانچیلیق و توُقای وزیری ابراهیم یوماقلی تۆرکیأنینگ ایران بیلن حیذماتداشلیغینی دۆره‌گِه‌ی‌لِشدیریپ بیله لیکده ایشلِه‌شمأگه دوُوام اتجکدیگینی آیتدی.
یوماقلی آنکارادا گچیریلن تۆرکیه- ایران اکرانچیلیق حیذماتداشلیغی ماصلاحاتینا قاتناشدی.
یوماقلی تۆرکیأنینگ ایران بیلن اؤزآرا سؤودا- تیجارت موقدارینی 30 میلیارد دلارا یتیرمه ک ایسله یأندیگینی بیلدیردی.
ایران ینگ تۆرکیأنینگ آسیا آچیلان قاپیسی، تۆرکیأنینگ ده ایران ینگ اوروپا آچیلان قاپیسی بوُلاندیغینا اۆنس چکن تۆرک وزیر “بیز ایرانا قوُیولان چأکلِندیرمه‌لر سبأپلی قوُنگشیمیز ایران بیلن ایقدیصادی و سؤودا- تیجارت قاتناشیقلاریمیزی دوردورمادیق، موندان بیلأک ده ایران بیلن آراقاتناشیغی دوردورماریس” دیدی.
شو واغتقی یاغدایدا چأکلندیرمه لرینگ ایران بیلن حیذماتداشلیغا ایلایتا دا بانک سیستمینده پأسگِل بریأندیگینی آیدان ابراهیم یوماقلی “شیله قینچیلیقلاری دا قیسغا واغتدا چؤزگۆده قوُوشورجاقدیغیمیزی اومیت ادیأرین” دیدی.
