سودان ینگ فاشر شهرینده 16 آدام آرادان چیقدی

سودان ینگ گۆن باتارینداقی دمیرقازیق دارفور ایالتی نینگ مرکزی الفاشر شهرینده چالت قوُلداو گۆیچلری نینگ بوُسغون دۆشِلگه سینه هۆجۆمی سبأپلی 16 آدام آرادان چیقدی.

فاشر دیره نیش کمیته سی، چالت قوُلداو گۆیچلری نینگ زمزم بوُسغون دۆشِلگه سینه بیلگِشله یین هۆجۆم قوراندیغینی بیلدیردی.

هۆجۆمده 16 آدامینگ اؤلِندیگی 42 آدامینگ دا یارالاناندیغی حابار بریلدی.

قان یتمزلیگی و اِم- درمان اۆچین حالقارا قورامالاردان کؤمِک ایسله ندی.

بیرلشن میللتلر قوراماسی سودان داقی چاقنیشیقلاردا 20 مۆنگدن کؤپ آدامینگ اؤلِندیگینی بیلدیریأر.

سودان دا 25 میلیون دان کؤپ آدام کؤمِگه مأتأچ.

2023-نجی ییلدان بأری سودان دان آیریلانلارینگ سانی 3 میلیون دان گچدی.

9 میلیون آدام دا سودان ینگ ایچرسینده باشغا یرلره گؤچمأگه مجبور بوُلدی.