ایستامبول بیلن بنغازی نینگ آراسیندا یوُلاغچی اوچاری قاتناماغا باشلادی

تۆرک هوُوا یوُللاری ایستامبول بیلن بنغازی نینگ آراسیندا 10 ییل آرادان سوُنگرا اوچار ساپارلارینی باشلاتدی.

شو گۆن ارتیر بیلن ایستامبول قوُنالغاسیندان بیر اوچار بنغازی قوُنالغاسینا گیتدی.

2.5 ساغاتلیق اوچار ساپاریندان سوُنگرا بنینا حالقارا قوُنالغاسینا قوُنان اوچارداقی یوُلاغچیلارا گۆل دِسسه لری بریلدی.

قوُنالغادا بیانات برن تۆرک هوُوا یوُللاری نینگ باشلیغی بلال اکشی، تۆرک هوُوا یوُللاری نینگ 6 قاره ده و 131 یورتدا 352 قوُنالغا اوچیاندیغینی آیتدی.

اکشی بنغازی قوُنالغاسیندان هپده ده اۆچ اوچارینگ ایستامبولا اوچجاقدیغینی آیتدی و شیله لیک بیلن بنغازی نینگ دۆنیأدأکی بۆتین قوُنالغالارینا باغلانجاقدیغینی سؤزلرینه قوُشدی.

موندان بیلأک هپدأنینگ سه شنبه، پنجشنبه و یکشنبه گۆنلری ایستامبول بیلن بنغازی نینگ آراسیندا اوچار قاتنادیلار.