ترامپ: کانادا بیزینگ بیر ایالتیمیز بوُلسون

آمریکانینگ یوُلباشچیسی دونالد ترامپ کانادانینگ آمریکادان پیدالانیاندیغینی آیتدی و کانادانینگ “ایالت بوُلماغی گره‌ک بوُلان یورت” بوُلاندیغینی اؤنگه سۆردی.

دونالد ترامپ کانادا و گرونلند بیلن باغلانشیقلی سؤزلرینی قایتالادی.

کانادانینگ آمریکانینگ 51-نجی ایالتی بوُلمالیدیغینی آیدان ترامپ “کانادادا کؤپ سانلی دوُستوم بار و اوُلار بیزی و منی سؤییأر. اِمما کانادا اوزاق ییللاردان بأری آمریکادان پیدالانیار و من مونگا روغصات برمه رین” دیدی.

ترامپ “اگر بو اۆلکه بیر ایالت بوُلماسا من یۆزلرچه میلیون دلاری شوُل یر اۆچین حارجاماق ایسله مه یأرین. اگر کانادا ایالت بوُلسا کانادانینگ حالقی اؤنگکیدن آز سالغیت تؤله‌جِکدیر” دیدی.

ترامپ گرونلند-ی ده دانمارک دان ساتین آلماق ایسله یأندیگینی آیتدی و گرونلندینگ آمریکا تاراپیندان آلینماغی نینگ دۆنیأنینگ آزاتلیغینا بأحبیتلی بوُلجاقدیغینی سؤزلرینه قوُشدی.

ترامپ کانادانینگ باش وزیری جاستین ترودونی دا ولایات حأکیمی دییپ آدلاندیریار.