تۆرکیه، اؤزبگیستان و آذربایجان ینگ اۆچ تاراپلی وزیرلر دوشوشیغی گچیرلر
تۆرکیه، آذربایجان و اؤزبگیستان ینگ داشاری ایشلر، سؤودا- تیجارت و قاتناو وزیرلری نینگ اۆچ تاراپلی ماصلاحاتی ارتیر آنکارادا گچیرلر.
ماصلاحاتا تۆرکیه تاراپیندان داشاری ایشلر وزیری هاکان فیدان، سؤودا وزیری عمر بوُلات و قاتناو و اساسی قورلوشیقلار وزیری عبدالقادیر اورال اوُغلی قاتناشار.
آذربایجان ینگ داشاری ایشلر وزیری جیحون بایراموف، ایقدیصادیه ت وزیری میکائیل جباروف و دیجیتال قالقینیش و قاتناو وزیری رشاد نبی یف؛ اؤزبگیستان ینگ داشاری ایشلر وزیری بختیار سعیدوف، مایاقوُیوم، صناغات و سؤودا وزریی لذیذ قدراتوف و قاتناو وزیری الهام محمدوف دا بو ماصلحااتا قاتناشار.
ماصلاحاتدا داشاری سیاسات مسئله لری، بؤلگه آرا حیذماتداشلیق، سؤودا، ایقدیصادی و مایاقوُیوم پوداقلاریندا حیذماتداشلیغینگ یوُقارلادیلماغی و بؤلگه آرا قاتناو آغینی اؤسدۆرمه ک بارادا گنگه شیلر.
اۆچ یوردونک آنکارا ایلالاشیق ناماسینا قوُل چکمه گینه قاراشیلیار.
اۆچ یورت تۆرک دؤولتلری قوراماسیندا دا حیذماتداشلیق ادیأر.
تۆرکیأنینگ دااشاری ایشلر وزیری هاکان فیدان بو ماصلاحاتدا سوریه، غزه، روسیا- اوکراینا ساواشی و اوُوغانیستان یالی مسئله لری ده گۆن ترتیبینه گتیرر.
اۆچ تاراپلی وزیرلر ماصلاحاتی نینگ اوُزالقیسی 2022-نجی ییلینگ 2-نجی آگوست گۆنۆنیده اؤزبگیستان ینگ پایتاغتی داشکنت ده گچیریلیپدی.
