قازاغیستان بیلن تۆرکمنیستان ترانزیت قاتناو پوداغینا أهمیت بریأر
قازاغیستان و تۆرکمنیستان ترانزیت قاتناو کریدورلاری نینگ پتانسیلینی یوُقارلاتماق اۆچین ایلالاشدی.
تۆرکمنیستان ینگ داشاری ایشلر وزیری رشید مردوف قازاغیستانا رسمی ساپار قوردی.
مردوف قازاغیستان ینگ پایتاغتی آستانادا شوُل یوردونگ باش وزیری نینگ اوُرونباساری و داشاری ایشلر وزیری مورات نورتلو بیلن دوشوشدی.
اؤزآرا و توُپارآرا دوشوشیقدان سوُنگرا مطبوغات گنگه شی گچیریلدی.
قازاغیستان ینگ داشاری ایشلر وزیری اؤزآرا قاتناشیقلار حاقیندا گنگه شندیکلرینی آیتدی.
تۆرکمنیستان ینگ قوُنگشی و دوُغانلیق یورت بوُلاندیغینا اۆنس چکن نورتلو ایلایتا دا آراچأک دأکی ولایاتلارینگ قاتناشیقلارینی یوُقارلاتماق بیلن باغلانشیقلی گۆررۆنگ ادندیکلرینی آیتدی.
نورتلو “قازاغیستان – تۆرکمنیستان – ایران” آراسینداقی دمیریوُلونینگ استراتژیک أهمیتینه اۆنس چکدی و ایکی یورتدان گچیأن حیتای- ایران آراسینداقی دمیریوُلونینگ اؤسدۆریلمه گی نینگ أهمیتلیدیگینی بیلدیردی.
تۆرکمن وزیر ده تۆرکمنیستان بیلن قازاغیستان ینگ سیاسی قاتناشیقلاری نینگ اؤسدۆریلمه لیدیگینه اۆنس چکدی و آرال گؤلی حاقیندا دا گنگه شندیکلرینی بیلدیردی.
تۆرکمنیستان ینگ، انرژی پوداغیندا قازاغیستان بیلن حیذماتداشلیغی یوُقارلاتماق ایسله یأندیگیتی آیدان رشید مردوف “حازار دنگیزی نینگ گۆن دوُغارینداقی ترانس حازار کریدوری بیلن قازاغیستان- تۆرکمنیستان – ایران دمیریوُلونینگ اؤسدۆریلمه گی أهمیتلیدیر” دیدی.
