أردوُغان: یر تیتره مه سی بوُلان ولایاتلاری گۆیچلی یاغدایدا یانگاداندان قورماغا دوُوام ادیأریس

تۆرکیأنینگ جمهورباشلیغی رجب طیب أردوُغان 2023-نجی ییلینگ 6-نجی فورالیندا بوُلان یر تیتره مه سیندن سوُنگرا یر تیتره مه سی بوُلان یرلری هیچ یِکه قوُیماندیقلارینی آیتدی.

أردوُغان قاهرامان ماراش یر تیتره مه سی نینگ 2-نجی ییلی بیلن باغلانشیقلی یازماچا بیانات بردی.

تۆرک یوُلباشچی “هممأمیزی چونگ یاغدایدا قیناندیران، یۆره گیمیزده اولی یارا آچان و میللتیمیزینگ هیچ اونوتماجاغی 6-نجی فورال داقی یر تیتره مه سی نینگ 2-نجی ییلیندا ییتیرنیمیز 53 مۆنگ 537 دوُغانیمیزینگ هممه سینه الله دان رحمت دیله گ ادیأرین” دیدی.

تۆرکیأنینگ جمهورباشلیغی یر تیتره مه سینده شهیت بوُلانلارینگ قارینداشلارینا و میللته ینه بیر گزه ک صابیر دیله دی و “بیرینجی گۆندن بأری دؤولت و میللت حؤکمۆنده بیر بوُلاریس دیدیک و یر تیتره مه سیندن ضلل گؤرن یرلردن هیچ هاچان ال چکمه دیک. موندان بیلأن ده شهرلریمیز یانگاداندان دوُلی دیکه‌دیلِنه چنلی زحمت و آلینگ دری بیلن، صابیر و پوُلات یالی ایسله گ بیلن قورلوشیقلارا دوُوام ادریس. ساران یارالاریمیز ان شاالله دوُلی یاغدایدا شیپا بوُلینچا بۆتین یورتداشلاریمیز حوُوپسوز و قیزغین اؤیلرینه قوُوشینچا توتان یرلی یاغدایدا ایشلریمیزه دوُوام ادریس” دیدی.