أردوُغان مالزیادا

تۆرکیأنینگ جمهورباشلیغی رجب طیب أردوُغان مالزیادا رسمی ساپاردا بوُلیار.

أردوُغانا مالزیاداقی پوتراجایا حالقارا کنگره مرکزینده پراک سلطانی نذرین شاه تاراپیندان حالقارا قاتناشیقلار پوداغیندا حوُرمات دکتراسی هؤدۆرله ندی.

تۆرک یوُلباشچی تۆرکیه – مالزیا استراتژیک حیذماتداشلیق ماصلاحاتیندا ایشگأرلر و اوُقووچیلارا بیانات بردی.

أردوُغان “2014-نجی ییلدا بوُلان قاتناشیقلاریمیزی 2022-نجی ییلدا گینگ استراتژیک اوُرتاقلیق گؤرنۆشینه یوُقارلاتدیق” دیدی.

تۆرکیأنینگ جمهورباشلیغی “آسیانینگ ایکی یاقاسینداقی مالزیا و تۆرکیه دوُست، دوُغان و اوُرتاقدیر. 2014-نجی ییلدا بوُلان قاتناشیقلاریمیزی 2022-نجی ییلدا گینگ استراتژیک اوُرتاقلیق گؤرنۆشینه یوُقارلاتدیق. اۆلکه لریمیزینگ آراسینداقی حیذماتداشلیق ساپاق بریش و بشری قاتناشیقلاردان عیبارات. بو دؤوۆرده کؤپ سانلی اوُقووچیمیز تۆرکیه ده یوُقاری درجه ده بیلیم آلدی. ایندی تۆرکیه 190-دان کؤپ یورتدان حالقارا اوُقووچینی اوُقادیار” دیدی.

تۆرک یوُلباشچی مالایا بیلیم یوردونینگ أهمیتینه ده اۆنس چکدی.