أردوُغان مالزینانینگ باش وزیرینه توُگ ماشینینی سوُوغات بردی

تۆرکیأنینگ جمهورباشلیغی رجب طیب أردوُغان مالزیانینگ باش وزیری انور ابراهیما تۆرکیأنینگ یرلی الکتریکلی اولاغی بوُلان توُگ اتومبیلینی سوُوغات بردی.

آسیا یورتلارینا ساپارینی مالزیادان باشلایان أردوُغان مالزیانینگ باش وزیری انور ابراهیم بیلن دوشوشدی.

أردوُغان انور ابراهیما “پامیق قالا” آق رنگیندأکی توُگ اولاغینی سوُوغات اتدی.

سوُوغاتینی یاقیندان بارلاپ گؤرن و تۆرکیأنینگ جمهورباشلیغی بیلن گۆررۆنگ ادن انور ابراهیم توُگ اولاغی بیلن صوراتا دۆشدی.

تۆرکیأنینگ جمهورباشلیغی بو دابارادان سوُنگرا، اللریندن مالزیا و تۆرکیأنینگ بایداغی بوُلان چاغالار بیلن گۆررۆنگ اتدی و اوُلار بیلن صوراتا دۆشدی.