آلتون اکونومیست ژورنالینی تانقیت اتدی
تۆرکیأنینگ جمهورباشلیقلیغی نینگ آراقاتناشیق اداراسی نینگ باشلیغی فخرالدین آلتون، اکونومیست ژورنالیندا تۆرکیأنینگ جمهورباشلیغی رجب طیب أردوُغان -ی نیشان آلان ماقالا بیلن باغلانشیقلی “بو ژورنال دان آلیپ بیلجک بیر ساپاغیمیز یوُقدیر آمما عبرت اۆچین کؤپ زات بار” دیدی.
آلتون “آیلاردان بأری دۆنیأنینگ گؤزۆنینگ اؤنگۆنده اینگ واغشی قیرغینچیلیغا قوُل چکن، قیرغینچی ایسرائیل ینگ ترورچیلیغینا یکه جه سس اتمأن اکونومیست قازتی، شو گۆن تۆرکیأنینگ قاراشسیز قاضیه تی تاراپیندان یؤره‌دیلیأن مسئله لری قاوشیریپ، حوُرماتلی جمهورباشلیغیمیز رجب طیب أردوُغان -ی نیشان آلیار” دیدی.
فخرالدین آلتون شیله دوُوام اتدی: “حالقارا حقوق دأپلرینی أسگرمأن ایسرائیلا شرطسیز قوُلداو برن، مظلوم فلسطین ینگ حالقی نینگ مشروع حاقلارینی قوُرایانلاری دیمدیرماغا سینانشیان گۆن باتار یورتلارینا یکه جه تانقیت اتمه یأن بو شرکتدن آلیپ بیلجک ساپاغیمیز یوُقدیر اِمما آلینجاق کؤپ عبرت باردیر” دیدی.
آلتون تۆرک سریاللارینی نیشان آلان بو ماقالانینگ تۆرکیأ قارشی گلوبال دوزاقلارینگ تأزه گؤرنۆشی بوُلاندیغینی دا سؤزلرینه قوُشدی و “بیز حوُرماتلی جمهورباشلیغیمیزینگ یوُلباشچیلیغیندا بو کئرلی اوُیونلاری أسگرمأن اولی و گۆیچلی تۆرکیأ ماقصادینا ایناملی أدیم بیلن دوُوام ادیأریس” دیدی.
اکونومیست درگیسی “تۆرکیه ده تأزه باسیش توُلقونی گۆیچله نیأر” آدی بیلن بیر ماقالا چاپ ادیپ، قاراشسیز قاضیه ت قارارلاری نینگ اۆستی بیلن تۆرکیأنینگ جمهورباشلیغینی نیشان آلیپدی.
