دنیا
ترامپ: پوتین بیلن یاقین واغتدا دوشوشیق گچیررین
آمریکانینگ جمهورباشلیغی دونالد ترامپ روسیانینگ یوُلباشچیسی ولادیمیر پوتین بیلن یاقین واغتدا دوشوشیپ بیلجکدیگینی آیتدی.
روسیا بیلن اوکراینانینگ ساواشینی دوردورماق اۆچین تاغاللا ادیأندیکلرینی آیدان ترامپ روسیانینگ یوُلباشچیسی پوتین بیلن هاچان دوشوشیق گچیرجکدیگی باراداقی سوُراغا “اؤرأن یاقین واغتدا بوُلوپ بیلر. یاقین واغتدا” دیدی.
پوتین ینگ و اوکراینانینگ جمهورباشلیغی ولودیمیر زلنسکی نینگ ساواشی دوروزماق ایسله یأندیگینی آیدان دونالد ترامپ، “مانگا گؤرأ (پوتین) ساواشی دوردورماق ایسله یأر. من شیله گؤریأرین. بو مسئله حاقدا کؤپ گپله شدیک” دیدی.
آمریکانینگ یوُلباشچیسی “بو ساواش آصلا باشلامالی دألدی” دیدی.
روسیا- اوکراینا ساواشی 2022-نجی ییلینگ 24-نجی فورالیندا باشلاپدی.
