پزشکیان: “گچمه نامارت کؤپرۆسیندن!”
ایران ینگ جمهورباشلیغی مسعود پزشکیان آمریکانینگ باسیشی نینگ آستیندا گِپله‌شیک گچیرمه جکدیکلرینی آیدیپ تۆرکچه شیغیر بیلن آمریکا جوُغاپ بردی.
ایران ینگ دؤولت تلویزیون کانالی نینگ برن ماغلوماتینا گؤرأ مسعود پزشکیان تهران دا گچیریلن بیر دابارادا آمریکا بیلن ایران ینگ مذاکره ادیپ اتمه‌جکدیگی حاقیندا گۆررۆنگ بردی.
آمریکانینگ ایرانا “اؤرأن کؤپ باسیش” ادیأندیگینه اۆنس چکن پزشکیان، “بیز مذاکره اتمه‌ریس دیمه دیک. باشیندان بأری مذاکره ایسله یأندیگیمیزی آیتدیق اِمما هر شرط بیلن مذاکره اتمه ریس. بیزه چأکلندیرمه قوُیوپ سوُنگرا راکت و یاراغلارینگیز بوُلماسین دییپ ینه مذاکره ادیلینگ دییپ بوُلماز” دیدی.
ایران ینگ جمهورباشلیغی گپله شیکلرینگ حوُرمات بیلن بوُلمالیدیغینی آیتدی و شیله دوُوام اتدی:
“تۆرکچه بیر قوُشغیمیز بار. شیله دییأر: گچمه نامارت کؤپرۆسیندن قوُی أکیتسین سیل سنی، یاتما تیلکی کؤله‌گه‌سینده، قوُی ایسین آرسلان سنی. تهدیت بیلن بیزه هر زادی اتدیرمأگه مجبور ادیپ بیلجکدیکلرینی پیکیر ادیأرلر. بیز انساندیرس و حوُرمات اساسیندا گپله‌شریس اِمما باسیشلارا دا بوُیون اِگمه‌ریس” دیدی.
آمریکا و ایسرائیل ینگ تهدیتلریندن قوُرقمایاندیقلارینی سؤزلرینه قوُشان پزشکیان “بیرنأچه لر ایسرائیل دان قوُرقیار چۆنکی آمریکا اوُنی قوُلدایار، اِمما بیز قوُرقمایاریس و قوُرقماریس. الله ینگ کؤمِگی بیلن بۆتین قینچیلیقلاری چؤزگۆده قوُوشوراریس اِمما بو بیر گیجه ده بوُلوپ بیلجک زات دألدیر” دیدی.
