أردوُغان تلفن آرقالی مکرون بیلن دوشوشدی
تۆرکیأنینگ جمهورباشلیغی رجب طیب أردوُغان فرانسیانینگ جمهورباشلیغی امانوئل مکرون بیلن تلفن آرقالی دوشوشیق گچیردی.
بو دوشوشیقدا اؤزآرا قاتناشیقلار و بؤلگه آرا و حالقارا مسئله لر حاقیندا گِنگه شیلدی.
أردوُغان بو دوشوشیقدا “تۆرکیه، روسیا- اوکراینا آراسینداقی ساواشی دوروزماق و عادالاتلی و همیشه لیک پاراحاتچیلیغی یوُلا قوُیماق اۆچین تاغاللا اتمأگه دوُوام ادیأر” دیدی و ساواشینگ تاراپلارینی نأچه گِزه ک مذاکره اتدیرن یورت حؤکمۆنده پاراحاتچیلیقلی گپله شیکلرینه یر ایه چیلیگینی ادیپ بیلجکدیگینی و بو اتابا قوُشانت قوُشوپ بیلجکدیگینی نیغتادی.
تۆرکیأنینگ جمهورباشلیغی، فلسطینلیلرینگ مصر، اردن یادا بیله کی بیر اۆلکه ده یاشاماغا مجبور ادیلمه گی نینگ قابول ادیلیپ بیلینمه جکدیگینی ده سؤزلرینه قوُشدی.
أردوُغان بیلن فرانسیانینگ جمهورباشلیغی مکرون ناتودا ایکی حیذماتداش یورت بوُلان تۆرکیه بیلن فرانسیانینگ تأزه دؤوۆرده ده بیله لیکده ایشلِشمأگه دوُوام اتجکدیگی حاقیندا ایلالاشدی.
