أردوُغان: اوروپانی دیکه‌تجِک یورت تۆرکیه دیر
تۆرکیأنینگ جمهورباشلیغی رجب طیب أردوُغان “ایقدیصادی و دموگرافیسی چالت یاغدایدا قارریان اوروپانی جانلادیرجاق، حالاص اتجِک یورت ینه تۆرکیه دیر، تۆرکیأنینگ دوُلی آغضا بوُلماغیدیر” دیدی.
تۆرکیأنینگ جمهورباشلیغی، کابینه ماصلاحاتیندان سوُنگرا بیانات بردی.
سوُنگقی دؤوۆرده اوروپا بیله له شیگی بیلن قاتناشیقلارینگ اوُزالقی ریتمیمنه قوُوشماغینا أهمیت بریأندیکلرینی آیدان أردوُغان سوریه دأکی یاغدایلار و اوکراینا ساواشی نینگ اوروپانینگ تۆرکیأ مأتأچلیگینی ینه بیر گِزه ک گؤرکِزندیگینی نیغتادی.
تۆرک یوُلباشچی “اوروپا بیله له شیگینی ایقدیصاتدان قوُرانماق پوداغینا، سیاساتدان حالقارا أهمیته، قالان عجیز یاغداییندان دینگه تۆرکیه حالاص ادیپ بیلر. تۆرکیأنینگ بیله له شیگه دوُلی آغضا بوُلماغی بیله له شیگی حالاص ادیپ بیلر. اوروپا بیله له شیگی حاقیقاتلاری نأدرجه ایر قابول اتسه شوُنچا اؤزلرینه حاییرلی بوُلار. بیز همیشه بوُلشی یالی دوُغری بیر قاراییش بیلن ایکی تاراپلی بأحبیت و حوُرماتینگ اساسیندا دوُلی آغضالیق اتابیندا اؤنگه گیتمه ک ایسله یأریس” دیدی.
بو مسئله حاقیندا گره کلی بوُلان ایغتیارینگ یوُلا قوُیولان واغتیندا قیسغا واغتدا نتیجه آلینیپ بیلینجکدیگینی آیدان أردوُغان، مونونگ اۆچین اوروپا بیله له شیگی و بیله له شیگینگ تأثیرلی یورتلاری نینگ یالنگیشلاریندان ال چکمه لیدیگینی سؤزلرینه قوُشدی.
