تۆرکمنیستان ینگ طبیغی گازی تۆرکیأ گلیأر
تۆرکمن گازی تۆرکیأ گلیأر.
بیرینجی اِتاپدا تۆرکمنیستان دان تۆرکیأ ییلدا 1.3 میلیارد مکعب متر طبیغی گاز ایبریلر.
سوُنگراقی اِتاپلاردا تۆرکمنیستان ینگ طبیغی گازی تۆرکیه تاراپیندان اوروپا آقدیریلار.
شیله لیک بیلن؛ آذربایجان، روسیا، ایران و تۆرکمنیستان دان طبیغی گاز آلیان تۆرکیه انرژی نینگ ترانزیت مرکزینه اؤورۆلیأر.
اوروپا طبیغی گاز اۆچین تۆرکیأ مأتأچ بوُلار.
تۆرکمنیستان دان تۆرکیأ طبیغی گاز ایبریلمه گی دینگه تۆرکیأنینگ ایچرکی بازارینا دأل، ایسه‌م اوروپانینگ بازارینا دا اوُنقین تأثیر یتیریأر.
تۆرکمنیستان دان تۆرکیأ طبیغی گاز ایبرمه‌ک بیلن باغلانشیقلی ایلکینجی أدیملر 1997-نجی ییلدا أدیلدی.
1999-نجی ییلینگ 21-نجی مای گۆنۆنده تۆرکیه بیلن تۆرکمنیستان ینگ آراسیندا شرطناما باغلاشیلدی.
شوُل شرطناما گؤرأ تۆرکمنیستان تۆرکیأ ییلدا 16 میلیارد مکعب متر طبیغی گاز ایبرجکدیگینی بیلدیردی.
اِمما بیرنأچه مسئله سبأپلی بو پروژه عامالا آشیریلمادی.
ایندی بوُلسا بیرینجی اِتاپدا تۆرکیه ایران ینگ اۆستی بیلن سوآپ گؤرنۆشینده ییلدا 1.3 میلیارد مکعب متر تۆرکمن گازینی ساتین آلار.
تۆرکیه شو واغت یونان، بلغاریستان، رومانیا و مجاریستانا طبیغی گاز ساتیار.
تۆرکیه ترانس آناتولی طبیغی گاز تورباسی بیلن آذربایجان ینگ طبیغی گازینی اوروپا یتیریأر.
شو واغت تۆرکیه تۆرکمنیستان دان ییلدا 1.3 میلیارد مکعب متر طبیغی گاز آلجاق بوُلسا دا اؤنگۆمیزدأکی ییللاردا بو موقدار ییلدا 30 میلیارد مکعب متره چنلی یوُقارلادیلیپ بیلینر.
