أردوُغان حوُجالی قیرغینچیلیغینی یاتلادی

تۆرکیأنینگ جمهورباشلیغی رجب طیب أردوُغان “حوُجالی قیرغینچیلیغی نینگ 33-نجی ییلیندا، اؤلدۆریلن آذربایجانلی دوُغانلاریمیزا رحمت دیله یأریس. بیز شوُل قیرغینچیلیغینگ غام غوصصاسینی هیچ هاچان اونوتماریس” دیدی.

شوروی نینگ دارغاماغیندان سوُنگرا، آذربایجان دان توُپراق قوُپارماق ایسله یأن و هۆجۆم ادن ارمنی توُپارلاری 1991-نجی ییلینگ سوُنگقی گۆنلرینده آذربایجان ینگ توُپراغینا هۆجۆم اتدی.

نأچه آی دوُوام ادن هۆجۆملردن سوُنگرا 1992-نجی ییلینگ 25-نجی یانواریندا ارمنیلر روسیانینگ خان کندی شهریندأکی 366-نجی موتوریزه گۆیچلری نینگ قوُلداوی بیلن اۆچ تاراپدان هۆجۆم اتدی.

دینگه اشغال بیلن یتینمأن ارمنیلر، یرلی یاشاییجیلاری اؤلدۆردی و 20-نجی عاصرینگ اینگ قانلی قیرغینچیلیغینی اتدی.

شوُل واغت چکیلن فتو و ویدئویازغیلار شوُل قیرغینچیلیغینگ نأدرجه بوُلاندیغینی گؤرکِزدی.

حوُجالی دا قیرغینچیلیقدان اوُزال 7 مۆنگ آدام یاشایاردی.

قیرغینچیلیقدا 106 زنانا، 70 قارری و 63 چاغا اؤلدۆریلدی.

487 آدام دا آغیر یاغدایدا یارالاندی.

ارمنی یاراغلی توُپاری 1275 آدامی توسساغ اتدی.

150 آدامدان هنیز حابار آلینمایار.