به نقل از خبرگزاری فارس روسای جمهور ترکیه و تاجیکستان در تماس تیلیفونی در مورد گسترش روابط میان دو کشور صحبت کرده و اوضاع افغانستان را نیز بررسی کردهاند.
رجب طییب اردوغان، رئیس جمهور ترکیه در این گفتگوی تیلیفونی ۳۰ مین سالگرد استقلال تاجیکستان را به رئیسجمهور این کشور تبریک گفته و اظهار داشته است که تاجیکستان در طول سالهای استقلال در مسیر توسعه اقتصادی و اجتماعی دستآوردهای مهم دارد.
در این گفتگوی تیلیفونی روسای جمهور دو کشور همچنان در مورد گسترش همکاریهای چندجانبه میان ترکیه و تاجیکستان در زمینههای تجاری، اقتصادی، فرهنگی، بشردوستانه، امنیتی و مبارزه مشترک با چالشها و تهدیدات جهانی صحبت کردهاند.
روسای جمهور هر دو کشور همچنان اوضاع نگران کننده افغانستان را نیز به بحث گرفته و از مقامات طالبان خواستار ایجاد یک حکومت فراگیر و همهشمول در این کشور شده و ارائه کمکهای بشردوستانه به مردم این افغانستان را مهم دانستهاند.
