تام وست با عبدالله عبدالله در مورد وضعیت بشری در افغانستان صحبت کرد
نماینده ویژه آمریکا در امور افغانستان گفته است که با عبدالله عبدلله، رئیس پیشین شورای مصالحه ملی افغانستان دیدار کرده است.
تام وست، نماینده ویژه ایالات متحده آمریکا در توییتی نوشته که با داکتر عبدلله، رئیس پیشین شورای مصالحه ملی افغانستان روی موضوعاتی که برای آیندهٔ افغانستان و روابط این کشور با جامعهٔ جهانی مهم است، دیدار و گفتگو کرده است.
تام وست در تویت خود از تصمیم طالبان برای این که به آقای عبدالله اجازه دادند با خانوادهاش ملاقات کرده و دوباره به افغانستان برگردد تمجید کرده است.
او همچنان نوشته که روی نیاز برای یک روند سیاسی، تخطیهای حقوق بشری، نقش ضروری زنان در جامعه، وضعیت بشری و تهدیدات تروریزم در افغانستان نیز با آقای عبدالله صحبت کرده است.
نمایندهٔ ویژهٔ ایالات متحده برای افغانستان در ادامه ابراز امیدواری کرده که روند ملاقاتهایش با سایر رهبران و متفکرین افغان در روزهای آینده ادامه یابد.
