داکتر عبدالباری عمر با وزیر انرژی تاجیکستان پیرامون پروژه کاسا ۱۰۰۰ صحبت کرد؛

داکتر عبدالباری عمر، رییس عمومی اجرائیوی شرکت برشنا در دیدار با دلیر جمعه، وزیر انرژی تاجیکستان پیرامون پروژه کاسا ۱۰۰۰،انتقال برق و مسائل اقتصادی گفت‌وگو کرده است.

شرکت برشنا می‌گوید، آقای عمر در این دیدار در مورد فرصت‌های موجود در افغانستان معلومات داد و افزود که امارت اسلامی خواهان روابط خوب اقتصادی و سیاسی با تمام کشورها به‌شمول همسایه‌ها است.

هم‌چنان دوطرف به کار مشترک در زمینه انرژی برق تعهد کردند.